អានលម្អិត

ដើម្បីធានាឲ្យដំណើរការលទ្ធកម្មសាធារណៈ សម្រាប់ការទិញ ការសាងសង់ ការជួសជុល ការជួលសេវាកម្ម និងការជួលសេវាទីប្រឹក្សា ប្រព្រឹត្តទៅដោយរលូនប្រកបដោយតម្លាភាព គណនេយ្យភាព ភាពយុត្តិធម៌ ប្រសិទ្ធភាព សមភាព ការសន្សំសំចៃ និងឆ្លើយតបតាមតម្រូវការបានទាន់ពេលវេលា ក្រសួងសេដ្ឋកិច្ចនិងហិរញ្ញវត្ថុ សូមធ្វើការណែនាំដល់គ្រប់ស្ថាប័នអនុវត្តលទ្ធកម្ម ដែលក្នុងនោះរូមមានក្រសួង ស្ថាប័ន រាជធានី ខេត្ត ក្រុង ស្រុក ខណ្ឌ សហគ្រាសសាធារណៈ គ្រឹះស្ថានសាធារណៈរដ្ឋបាល និងអង្គភាពរដ្ឋដទៃទៀត ត្រូវគោរពឲ្យបានម៉ឺងម៉ាត់នូវបទប្បញ្ញត្តិវិធីសាស្ត្រ នីតិវិធីលទ្ធកម្មសាធារណៈដូចមានចែងក្នុងច្បាប់ស្ដីពីលទ្ធកម្មសាធារណៈ និងឯកសារគតិយុត្ត ព្រមទាំងលិខិតបទដ្ឋានពាក់ព័ន្ធលទ្ធកម្មសាធារណៈជាធរមាន ដូចជាអនុក្រឹត្យលេខ ១០៥ អនក្រ.បក ចុះថ្ងៃទី១៨ ខែតុលា ឆ្នាំ២០០៦ ស្ដីពីលទ្ធកម្មសាធារណៈ សៀវភៅលទ្ធកម្មស្ដីពីការអនុវត្តវិធាននិងបទប្បញ្ញត្តិស្ដីពីលទ្ធកម្មសាធារណៈ សារាចរណែនាំលេខ០០៦ សហវ ចុះថ្ងៃទី២២ ខែវិច្ឆិកា ឆ្នាំ២០០៧ ស្ដីពីការរៀបចំផែនការលទ្ធកម្មឆ្នាំ២០០៨និងឆ្នាំបន្តបន្ទាប់និងបទប្បញ្ញត្តិផ្សេងៗទៀតស្ដីពីលទ្ធកម្មសាធារណៈ។ ទន្ទឹមនឹងនេះ ស្ថាប័នអនុវត្តលទ្ធកម្មត្រូវយកចិត្តទុកដាក់លើចំណុចសំខាន់ៗមួយចំនួនដែលមានជារួម២៧ចំណុច។