Comment are off
ថ្ងៃពុធ ៩កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៣ ខែកុម្ភៈ ឆ្នាំ២០១៩ ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំកិច្ចប្រជុំប្រចាំខែកុម្ភៈ របស់អគ្គនាយកដ្ឋាន នៅសាលប្រជុំអគារ “ឃ” ជាន់ផ្ទាល់ដី ទីស្តីការក្រសួងសេដ្ឋកិច្ចនិងហិរញ្ញវត្ថុ។
កិច្ចប្រជុំនេះមានការចូលរួមពីថ្នាក់ដឹកនាំ និងមន្ត្រីរាជការនៃអគ្គនាយកដ្ឋានលទ្ធកម្មសាធារណៈទាំងអស់ និងមានការចូលរួមពីតំណាងអគ្គនាយកដ្ឋានសវនកម្មផ្ទៃក្នុង និងអគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈផងដែរ ។
កិច្ចប្រជុំប្រចាំខែ ដើម្បីពិនិត្យនិងពិភាក្សាអំពីៈ
១-របាយការណ៍នៃការអនុវត្តផែនការសកម្មភាពកែទម្រង់របស់ក្រុមការងារទាំងបួន
២-របាយការណ៍នៃការអនុវត្តការងារប្រចាំខែធ្នូ ឆ្នាំ២០១៨ និងទិសដៅសម្រាប់អនុវត្តការងារក្នុងខែមករា ឆ្នាំ២០១៩ របស់នាយកដ្ឋាននីមួយៗ និង
៣-បញ្ហាផ្សេងៗ
