អានលម្អិត

ថ្ងៃចន្ទ ៩កើត ខែមិគសិរ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែធ្នូ ឆ្នាំ២០២១ ឯកឧត្តម សេង ស្រេង អគ្គនាយករង នៃអគ្គនាយកដ្ឋានលទ្ធកម្មសាធារណៈ តំណាងដ៏ខ្ពង់ខ្ពស់ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានលទ្ធកម្មសាធារណៈបានដឹកនាំកិច្ចប្រជុំពិភាក្សាលើការអនុវត្តអនុស្សារណៈនៃការយោគយល់គ្នាជាមួយធនាគារពាណិជ្ជដៃគូ ដែលបានចុះអនុស្សារណៈជាមួយក្រសួងសេដ្ឋកិច្ចនិងហិរញ្ញវត្ថុ សម្រាប់ប្រតិបត្តិការប្រាក់កក់ធានាការដេញថ្លៃ និងប្រាក់កក់ធានាការអនុវត្តកិច្ចសន្យា ដោយមានការចូលរួមពីឯកឧត្តម វង្ស រ៉ូដាវុឍ ទីប្រឹក្សាក្រសួងសេដ្ឋកិច្ចនិងហិរញ្ញវត្ថុអមអគ្គនាយកដ្ឋានលទ្ធកម្មសាធារណៈ តំណាងអគ្គនាយកដ្ឋានរតនាគារជាតិ មន្ត្រីជំនាញនៃអគ្គនាយកដ្ឋានលទ្ធកម្មសាធារណៈ និងតំណាងធនាគារពាណិជ្ជដៃគូ។ កិច្ចប្រជុំនេះរៀបចំឡើងក្នុងគោលបំណងពិភាក្សានិងជម្រាបជូនអំពីលិខិតបទដ្ឋានគតិយុត្តពាក់ព័ន្ធសម្រាប់អនុវត្តអនុស្សារណៈនៃការយោគយល់គ្នា ក៏ដូចជាដោះស្រាយបញ្ហាប្រឈមនានាលើប្រតិបត្តិការប្រាក់កក់ធានាការដេញថ្លៃនិងប្រាក់កក់ធានាការអនុវត្តកិច្ចសន្យាដែលធនាគារពាណិជ្ជដៃគូជួបប្រទះ និងសំណូមពរនានារបស់ធនាគារពាណិជ្ជដៃគូផងដែរ។

ថ្ងៃទី

ទីកន្លែងព័ត៌មាន និងព្រឹត្តិការណ៍

កម្ពុជា