ថ្ងៃពុធ ៥កើត ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី៣១ ខែសីហា ឆ្នាំ២០២២ ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំសហការីចូលរួមនិងរៀបចំសិក្ខាសាលាពិគ្រោះយោបល់ប្រមូលធាតុចូលអំពីសេចក្ដីព្រាងវិសោធនកម្មច្បាប់ស្ដីពីលទ្ធកម្មសាធារណៈ ក្រោមអធិបតីភាពដ៏ខ្ពង់ខ្ពស់ឯកឧត្តមបណ្ឌិត ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ នៅអគារសាលាជាតិគយ និងតាមប្រព័ន្ធកម្មវិធី Zoom meeting។
ថ្ងៃទី
| ទីកន្លែងព័ត៌មាន និងព្រឹត្តិការណ៍ | កម្ពុជា |
សូមបញ្ជាក់ជូនថា សិក្ខាសាលានេះធ្វើឡើងក្នុងគោលបំណងពិគ្រោះយោបល់ដើម្បីប្រមូលធាតុចូលលើសេចក្ដីព្រាងវិសោធនកម្មច្បាប់ស្ដីពីលទ្ធកម្មសាធារណៈ (ថ្មី) ពីគ្រប់ក្រសួង ស្ថាប័ន សហគ្រាសសាធារណៈនិងគ្រឹះស្ថានសាធារណៈរដ្ឋបាល រដ្ឋបាលរាជធានី ខេត្ត ដៃគូអភិវឌ្ឍន៍ និងអង្គការសង្គមស៊ីវិលពាក់ព័ន្ធ ព្រមទាំងអង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុផងដែរ។ សិក្ខាសាលានេះមានសិក្ខាកាមចូលរួមផ្ទាល់នៅអគារសាលាជាតិគយចំនួន ២៧៧រូប និងចូលរួមតាមរយៈប្រព័ន្ធកម្មវិធី Zoom meeting ចំនួន ១៤០រូប។
