ថ្ងៃពុធ ៤រោច ខែមាឃ ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី១២ ខែកុម្ភៈ ឆ្នាំ២០២០ នៅសណ្ឋាគារភ្នំពេញ, ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំសហការីចូលរួមនិងរៀបចំសិក្ខាសាលាស្តីពីការរៀបចំសេចក្តីព្រាងផែនការសកម្មភាពសម្រាប់អនុវត្តយុទ្ធសាស្រ្តនៃការកែទម្រង់ប្រព័ន្ធលទ្ធកម្មសាធារណៈឆ្នាំ២០១៩-២០២៥ ក្រោមអធិបតីភាពដ៏ខ្ពង់ខ្ពស់ឯកឧត្តម ហ៊ីវ សុវណ្ណ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាតំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ។
ថ្ងៃទី
| ទីកន្លែងព័ត៌មាន និងព្រឹត្តិការណ៍ | កម្ពុជា |
សិក្ខាសាលានេះមានគោលបំណងដើម្បីធានាឱ្យការរៀបចំសេចក្តីព្រាងផែនការសកម្មភាពនេះមានភាពគ្រប់ជ្រុងជ្រោយអាចដាក់ឱ្យអនុវត្តបានដោយរលូន គឺតម្រូវឱ្យមានការពិគ្រោះយោបល់និងប្រមូលធាតុចូលបន្ថែមពីគ្រប់ក្រសួង ស្ថាប័ន សហគ្រាសសាធារណៈនិងគ្រឹះស្ថានសាធារណៈរដ្ឋបាល រដ្ឋបាលរាជធានី ខេត្ត អង្គភាពពាក់ព័ន្ធក្រោមឱវាទក្រសួងសេដ្ឋកិច្ចនិងហិរញ្ញវត្ថុ និងដៃគូអភិវឌ្ឍន៍ផងដែរ។ សិក្ខាសាលានេះមានសិក្ខាកាមចូលរួមប្រមាណ ៣៨៥នាក់ ។
ចំនួនទាញយកឯកសារ ៖ 378
