នាព្រឹកថ្ងៃទី២៥ ខែកញ្ញា ឆ្នាំ២០២៤ នៅសណ្ឋាគារសុខាភ្នំពេញ, ក្រសួងសេដ្ឋកិច្ចនិងហិរញ្ញវត្ថុបានរៀបចំសិក្ខាសាលាពិគ្រោះយោបល់លើសេចក្តីព្រាងអនុក្រឹត្យចំនួន ២ និងប្រកាសចំនួន ១ សម្រាប់អនុវត្តច្បាប់ស្តីពីលទ្ធកម្មសាធារណៈ ក្នុងនោះរួមមាន៖ ១. សេចក្តីព្រាងអនុក្រឹត្យស្តីពីបែបបទនិងនីតិវិធីនៃការប្តឹងនិងការដោះស្រាយបណ្តឹងតវ៉ាលទ្ធកម្ម ២. សេចក្តីព្រាងអនុក្រឹត្យស្តីពីការរៀបចំនិងការប្រព្រឹត្តទៅនៃគណៈកម្មាធិការលទ្ធកម្មនិងអង្គភាពលទ្ធកម្ម និង ៣. សេចក្តីព្រាងប្រកាសស្តីពីការរៀបចំនិងការប្រព្រឹត្តទៅនៃក្រុមលទ្ធកម្ម។ អង្គសិក្ខាសាលានេះ ដឹកនាំដោយឯកឧត្តម ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងឯកឧត្តម ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ និងមានការចូលរួមពីឯកឧត្តម លោកជំទាវ លោក លោកស្រី តំណាងក្រសួង ស្ថាប័ន សហគ្រាសសាធារណៈ គ្រឹះស្ថានសាធារណៈរដ្ឋបាល ដៃគូអភិវឌ្ឍ អង្គការសង្គមស៊ីវិល អង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ រដ្ឋបាលរាជធានី ខេត្ត មន្ទីរជំនាញរាជធានី ខេត្ត និងរដ្ឋបាលក្រុង ស្រុក ខណ្ឌ ដែលមានការចូលរួមផ្ទាល់នៅសណ្ឋាគារសុខាភ្នំពេញ និងតាមរយៈប្រព័ន្ធអនឡាញ ដោយប្រើប្រាស់កម្មវិធី ZOOM សរុបប្រមាណ ១៣៣៥ នាក់។

  • ប្រភេទព័ត៌មាន និងព្រឹត្តិការណ៍ ៖ សិក្ខាសាលា
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

ថ្ងៃព្រហស្បតិ៍ ១០រោច ខែស្រាពណ៍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៩ ខែសីហា ឆ្នាំ២០២៤ វេលាម៉ោង ២និង៣០នាទីរសៀល ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំកិច្ចប្រជុំបន្តពិភាក្សាអន្តរអគ្គនាយកដ្ឋានបន្តលើសេចក្តីព្រាងអនុក្រឹត្យចំនួន២ និងប្រកាសចំនួន១ ដោយមានការចូលពីអគ្គនាយកដ្ឋានពាក់ព័ន្ធ ស្ថិតនៅបន្ទប់ប្រជុំតូច (ខាងកើត) អគារ គ ជាន់ផ្ទាល់ដី ទីស្តីការក្រសួងសេដ្ឋកិច្ចនិងហិរញ្ញវត្ថុ។

  • ប្រភេទព័ត៌មាន និងព្រឹត្តិការណ៍ ៖ កិច្ចប្រជុំ
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

ថ្ងៃព្រហស្បតិ៍ ៣ រោច ខែស្រាពណ៍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២២ ខែសីហា ឆ្នាំ២០២៤ វេលាម៉ោង ៨និង៣០នាទីព្រឹក ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំច្ចប្រជុំពិភាក្សាអន្តរអគ្គនាយកដ្ឋាន លើសេចក្តីព្រាងអនុក្រឹត្យចំនួន២ និងប្រកាសចំនួន១ ដោយមានការចូលពីអគ្គនាយកដ្ឋានពាក់ព័ន្ធ ស្ថិតនៅបន្ទប់ប្រជុំតូច (ខាងកើត) អគារ គ ជាន់ផ្ទាល់ដី ទីស្តីការក្រសួងសេដ្ឋកិច្ចនិងហិរញ្ញវត្ថុ។

  • ប្រភេទព័ត៌មាន និងព្រឹត្តិការណ៍ ៖ កិច្ចប្រជុំ
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

អគ្គនាយកដ្ឋានលទ្ធកម្មសាធារណៈនៃក្រសួងសេដ្ឋកិច្ចនិងហិរញ្ញវត្ថុ សូមជម្រាបជូន លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាង កញ្ញា ជាម្ចាស់ក្រុមហ៊ុន/សហគ្រាស ដែលមានបំណងស្នើសុំវិញ្ញាបនបត្រចុះបញ្ជីអ្នកទទួលការសាងសង់លើកដំបូង ទាំងអស់សូមជ្រាបថា៖ អគ្គនាយកដ្ឋានលទ្ធកម្មសាធារណៈនឹងដាក់ឲ្យដំណើរការនីតិវិធីនៃការស្នើសុំវិញ្ញាបនបត្រចុះបញ្ជីអ្នកទទួលការសាងសង់លើកដំបូង តាមរយៈប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានដែលបានចាប់ផ្តើមពី ថ្ងៃទី១ ខែកក្កដា ឆ្នាំ២០២៤ តទៅ។ ដើម្បីស្នើវិញ្ញាបនបត្រចុះបញ្ជីអ្នកទទួលការសាងសង់លើកដំបូង សូមម្ចាស់ក្រុមហ៊ុន/សហគ្រាសទាំងអស់បំពេញ សំណុំឯកសារពាក្យស្នើសុំវិញ្ញាបនបត្រចុះបញ្ជីអ្នកទទួលការសាងសង់លើកដំបូង តាមលក្ខខណ្ឌកំណត់ក្នុងសេចក្ដីណែនាំលេខ ០១៣ សហវ ចុះថ្ងៃទី១២ ខែធ្នូ ឆ្នាំ២០១៧ ស្ដីពីនីតិវិធីនៃការធ្វើចំណាត់ប្រភេទ និងចំណាត់ថ្នាក់អ្នកទទួលការសាងសង់ មានទំរង់ជា e-Form ដោយ ចូលទៅកាន់គេហទំព័រ https://registrationservices.gov.kh និងស្កេន QR code តាមរយៈ App៖ Camdigikey ដើម្បី ចូលប្រព័ន្ធ។ សម្រាប់ព័ត៌មានបន្ថែម សូមទំនាក់ទំនងមកកាន់លេខទូរសព្ទ៖ ០៧៦ ៣៤០ ០៦០៦ សូមជូនតំណភ្ជាប់ សេចក្ដីណែនាំលេខ ០១៣ សហវ ៖ http://gdpp.gov.kh/download/read/32

  • ប្រភេទព័ត៌មាន និងព្រឹត្តិការណ៍ ៖ សេចក្តីជូនដំណឹង
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា
ទាញយក
11

ថ្ងៃអង្គារ ៦កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១៦ ខែមករា ឆ្នាំ២០២៤ វេលាម៉ោង ០៩និង០០នាទីព្រឹក ឯកឧត្ដម ង៉ាន់ ភិរម្យ អគ្គនាយករងនៃអគ្គនាយកដ្ឋានលទ្ធកម្មសាធារណៈ តំណាងដ៏ខ្ពង់ខ្ពស់ ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំកិច្ចប្រជុំប្រចាំខែ របស់អគ្គនាយកដ្ឋានលទ្ធកម្មសាធារណៈ នៅសាលប្រជុំអគារ ឃ ជាន់ផ្ទាល់ដី ទីស្ដីការក្រសួងសេដ្ឋកិច្ច និងហិរញ្ញវត្ថុ។

  • ប្រភេទព័ត៌មាន និងព្រឹត្តិការណ៍ ៖ កិច្ចប្រជុំផ្ទៃក្នុង
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

សួស្ដីឆ្នាំថ្មី សូមបួងសួងដល់វត្ថុស័ក្ដសិទ្ធិក្នុ​ង​លោក ប្រោស​ប្រទានពរជ័យ សិរីមង្គល វិបុលសុខ មហាប្រសើរ ជូន​ចំពោះ ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន និងលោកជំទាវ អ៊ឹម ប៉ូលីកា ព្រមទាំងបុត្រា បុត្រី សូម ឯកឧត្ដមអគ្គបណ្ឌិតសភាចារ្យ និងលោកជំទាវ ព្រមទាំងក្រុមគ្រួសារ មានសុខភាពល្អបរិបូរណ៍ កម្លាំងពលំមាំមួន ជន្មាយុយឺនយូរ សុភមង្គលក្នុងក្រុមគ្រួសារ និងសម្រេចបានជោគជ័យគ្រប់ភារកិច្ចនិងធុរៈកិច្ចទាំងអស់៕ សូម​គោរពជូនពរពី ថ្នាក់ដឹកនាំ និងម​ន្ត្រីរាជការទាំងអស់​នៃអគ្គនាយកដ្ឋានលទ្ធកម្មសាធារណៈ

  • ប្រភេទព័ត៌មាន និងព្រឹត្តិការណ៍ ៖ លិខិតជូនពរ
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

សួស្ដីឆ្នាំថ្មី សូមបួងសួងដល់វត្ថុស័ក្ដសិទ្ធិក្នុ​ង​លោក ប្រោស​ប្រទានពរជ័យ សិរីមង្គល វិបុលសុខ មហាប្រសើរ ជូន​ចំពោះ ឯកឧត្ដមបណ្ឌិតសភាចារ្យ ជូ វិជិត្ត និងលោកជំទាវ ម៉ៅ ណារ៉ា ព្រមទាំងបុត្រា បុត្រី ក្នុងឱកាសចូលឆ្នាំថ្មី ឆ្នាំសកល គ.ស ២០២៤ សូម ឯកឧត្ដមបណ្ឌិតសភាចារ្យ និងលោកជំទាវ ព្រមទាំងក្រុមគ្រួសារ មានសុខភាពល្អបរិបូរណ៍ កម្លាំងពលំមាំមួន ជន្មាយុយឺនយូរ សុភមង្គលក្នុងក្រុមគ្រួសារ និងសម្រេចបានជោគជ័យគ្រប់ភារកិច្ចនិងធុរៈកិច្ចទាំងអស់៕ សូម​គោរពជូនពរពី ថ្នាក់ដឹកនាំ និងម​ន្ត្រីរាជការទាំងអស់​នៃអគ្គនាយកដ្ឋានលទ្ធកម្មសាធារណៈ

  • ប្រភេទព័ត៌មាន និងព្រឹត្តិការណ៍ ៖ លិខិតជូនពរ
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

សួស្ដីឆ្នាំថ្មី សូមបួងសួងវត្ថុស័ក្តសិទ្ធិក្នុងលោក ប្រោសប្រទានពរជ័យ សិរីមង្គល វិបុលសុខ មហាប្រសើរ ជូន​ចំពោះ ឯកឧត្ដមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយក​នៃអគ្គនាយកដ្ឋានលទ្ធកម្មសាធារណៈ ក្នុងឱកាសចូលឆ្នាំថ្មី ឆ្នាំសកល ២០២៤ សូម ឯកឧត្ដម​ប្រតិភូ ទទួលបាននូវសុខភាពល្អបរិបូណ៍ កម្លាំងមាំមួន ប្រាជ្ញាវាងវៃ ជន្មាយុយឺនយូរ ដើម្បីបន្តដឹកនាំអគ្គនាយកដ្ឋានលទ្ធកម្មសាធារណៈឆ្ពោះទៅរកវឌ្ឍនភាព និងវិបុលភាពតរៀងទៅ។ សូម ឯកឧត្ដមប្រតិភូ និង​លោកជំទាវ ព្រមទាំងបុត្រ និងចៅៗ ជាទីស្រលាញ់ ជួបតែភាពចម្រុងចម្រើន វិបុលសុខ សុភមង្គល និងប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ៕ សូម​គោរពជូនពរពី ថ្នាក់ដឹកនាំ និងម​ន្ត្រីរាជការទាំងអស់​នៃអគ្គនាយកដ្ឋានលទ្ធកម្មសាធារណៈ

  • ប្រភេទព័ត៌មាន និងព្រឹត្តិការណ៍ ៖ លិខិតជូនពរ
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា

នាថ្ងៃព្រហស្បតិ៍ ១០រោច ខែកត្ដិក ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០៧ ខែធ្នូ ឆ្នាំ២០២៣ អគ្គនាយកដ្ឋានលទ្ធកម្មសាធារណៈនៃក្រសួងសេដ្ឋកិច្ចនិងហិរញ្ញវត្ថុ ដឹកនាំដោយឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋាបលទ្ធកម្មសាធារណៈ អមដោយថ្នាក់ដឹកនាំ ទីប្រឹក្សា និងមន្ត្រីជំនាញ បានរៀបចំសិក្ខាសាលាស្ដីពីការផ្សព្វផ្សាយច្បាប់ស្ដីពីលទ្ធកម្មសាធារណៈ និងលិខិតបទដ្ឋានគតិយុត្តពាក់ព័ន្ធនឹងលទ្ធកម្មសាធារណៈថ្មីចំនួន ៣។ សិក្ខាសាលានេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ ឯកឧត្ដមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ សិក្ខាសាលានេះរៀបចំផ្ទាល់នៅសណ្ឋាគាររ៉េស៊ីដង់សុខាភ្នំពេញ និងរៀបចំតាមប្រព័ន្ធអនឡាញ Zoom។ សិក្ខាសាលានេះមានការចូលរួមពីតំណាងគណៈកម្មាធិការលទ្ធកម្ម អង្គភាពលទ្ធកម្ម នៃក្រសួង ស្ថាប័ន សហគ្រាសសាធារណៈ គ្រឹះស្ថានសាធារណៈរដ្ឋបាល រដ្ឋបាលរាជធានីខេត្ត និងរដ្ឋបាលក្រុង ស្រុក ខណ្ឌ ព្រមទាំងក្រុមលទ្ធកម្មនៃអង្គភាពថវិកាដែលជាមន្ទីរជំនាញ សរុបប្រមាណជាង ១.៤០០ នាក់។

  • ប្រភេទព័ត៌មាន និងព្រឹត្តិការណ៍ ៖ សិក្ខាសាលា
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា
ទាញយក
220

ថ្ងៃអង្គារ ១១ រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១០ ខែ តុលា ឆ្នាំ២០២៣ វេលាម៉ោង ០៩និង០០នាទីព្រឹក ឯកឧត្តមបណ្ឌិត ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានលទ្ធកម្មសាធារណៈ បានដឹកនាំកិច្ចប្រជុំប្រចាំខែ របស់អគ្គនាយកដ្ឋានលទ្ធកម្មសាធារណៈ នៅសាលប្រជុំអគារ ឃ ជាន់ផ្ទាល់ដី ទីស្ដីការក្រសួងសេដ្ឋកិច្ច និងហិរញ្ញវត្ថុ។

  • ប្រភេទព័ត៌មាន និងព្រឹត្តិការណ៍ ៖ កិច្ចប្រជុំផ្ទៃក្នុង
  • ទីកន្លែងព័ត៌មាន និងព្រឹត្តិការណ៍ ៖ កម្ពុជា