ថ្ងៃចន្ទ ១៤កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២០ ខែកញ្ញា ឆ្នាំ២០២១ ឯកឧត្តម ង៉ាន់ ភិរម្យ អគ្គនាយករងនៃអគ្គនាយកដ្ឋានលទ្ធកម្មសាធារណៈ តំណាងដ៏ខ្ពង់ខ្ពស់ឯកឧត្តម ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានលទ្ធកម្មសាធារណៈបានដឹកនាំសហការីរៀបចំកិច្ចប្រជុំត្រួតពិនិត្យការអនុវត្តកិច្ចលទ្ធកម្ម៩ខែដើមឆ្នាំ២០២១ និងណែនាំអំពីការរៀបចំផែនការលទ្ធកម្មឆ្នាំ២០២២ តាមរយៈ Online ដោយប្រើប្រាស់កម្មវិធី Zoom ក្រោមអធិបតីភាពដ៏ខ្ពង់ខ្ពស់ឯកឧត្តម ហ៊ីវ សុវណ្ណ រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
ថ្ងៃទី
| ទីកន្លែងព័ត៌មាន និងព្រឹត្តិការណ៍ | កម្ពុជា |
កិច្ចប្រជុំនេះមានការចូលរួមពីតំណាងគណៈកម្មាធិការលទ្ធកម្ម ប្រធានអង្គភាពលទ្ធកម្ម និងប្រធានក្រុមលទ្ធកម្ម នៃអង្គភាពថវិកាអញ្ជើញពីក្រសួង ស្ថាប័នចំនួន១០ រួមមាន៖ ទីស្តីការគណៈរដ្ឋមន្ត្រី ក្រសួងធនធានទឹកនិងឧតុនិយម ក្រសួងទេសចរណ៍ ក្រសួងកិច្ចការនារី ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងបរិស្ថាន ក្រសួងអប់រំ យុវជន និងកីឡា ក្រសួងការងារនិងបណ្តុះបណ្តាលវិជ្ជាជីវៈ ក្រសួងយុត្តិធម៌ និងក្រសួងព័ត៌មាន។ សូមជម្រាបជូនថា កិច្ចប្រជុំនេះមានសមាជិក សមាជិកា ចូលរួមសរុបប្រមាណ៤០០នាក់។
ចំនួនទាញយកឯកសារ ៖ 593
