នាយកដ្ឋានត្រួតពិនិត្យនិងដោះស្រាយវិវាទ បំពេញមុខងារជាសេនាធិការឱ្យអគ្គនាយកដ្ឋានលទ្ធកម្មសាធារណៈ លើការងារត្រួតពិនិត្យនិងដោះស្រាយវិវាទពាក់ព័ន្ធលទ្ធកម្មសាធារណៈ។
នាយកដ្ឋានត្រួតពិនិត្យនិងដោះស្រាយវិវាទ មានភារកិច្ចដូចខាងក្រោម៖
- រៀបចំផែនការត្រួតពិនិត្យកិច្ចលទ្ធកម្មប្រចាំឆ្នាំដាក់ជូនថ្នាក់ដឹកនាំអគ្គនាយកដ្ឋានលទ្ធកម្មសាធារណៈ ពិនិត្យ និងសម្រេច
- ត្រួតពិនិត្យលើរាល់កិច្ចលទ្ធកម្មសាធារណៈដែលបានអនុវត្តរួចនិងស្ថិតក្រោមសិទ្ធសម្រេចរបស់ស្ថាប័នអនុវត្តលទ្ធកម្ម
- ធ្វើការត្រួតពិនិត្យផ្ទៃក្នុងលើនាយកដ្ឋានក្រោមឱវាទអគ្គនាយកដ្ឋានលទ្ធកម្មសាធារណៈតាមការចាំបាច់
- ធ្វើរបាយការណ៍អំពីលទ្ធផលត្រួតពិនិត្យកិច្ចលទ្ធកម្មនៅរៀងរាល់ពេលនៃការចុះត្រួតពិនិត្យកិច្ចលទ្ធកម្ម និងរបាយការណ៍អំពីលទ្ធផលត្រួតពិនិត្យកិច្ចលទ្ធកម្មប្រចាំឆ្នាំ ដាក់ជូនអគ្គនាយកនៃអគ្គនាយកដ្ឋានលទ្ធកម្ម សាធារណៈ
- ទទួលពាក្យបណ្ដឹងតវ៉ាលទ្ធកម្ម
- ធ្វើការត្រួតពិនិត្យលើកិច្ចលទ្ធកម្មដែលមានទំនាស់
- ធ្វើរបាយការណ៍អំពីលទ្ធផលនៃការត្រួតពិនិត្យលើកិច្ចលទ្ធកម្មដែលមានទំនាស់ ជូនអគ្គនាយកនៃអគ្គនាយកដ្ឋានលទ្ធកម្មសាធារណៈ
- សហការជាមួយស្ថាប័នអនុវត្តលទ្ធកម្មលើការងារដោះស្រាយបណ្ដឹងតវ៉ានិងវិវាទលទ្ធកម្ម
- សម្របសម្រួលជាមួយនាយកដ្ឋាន បុគ្គលិក និងផែនការ នៃអគ្គនាយកដ្ឋានលទ្ធកម្មសាធារណៈ ដើម្បីផ្សព្វផ្សាយលទ្ធផលនៃការដោះស្រាយបណ្ដឹងតវ៉ានិងវិវាទលទ្ធកម្មតាមរយៈគេហទំព័រលទ្ធកម្មសាធារណៈ
- ធ្វើរបាយការណ៍សកម្មភាពការងាររបស់នាយកដ្ឋានត្រួតពិនិត្យនិងដោះស្រាយវិវាទ ប្រចាំខែ ត្រីមាស ឆមាស និងឆ្នាំ ដាក់ជូនថ្នាក់ដឹកនាំអគ្គនាយកដ្ឋានលទ្ធកម្មសាធារណៈ
- បំពេញភារកិច្ចផ្សេងទៀតតាមការចាត់តាំងរបស់អគ្គនាយកនៃអគ្គនាយកដ្ឋានលទ្ធកម្មសាធារណៈ។
នាយកដ្ឋានត្រួតពិនិត្យនិងដោះស្រាយវិវាទ មានការិយាល័យក្រោមឱវាទចំនួន ៤ ដូចខាងក្រោម៖
- ការិយាល័យត្រួតពិនិត្យលទ្ធកម្មរដ្ឋបាលថ្នាក់ជាតិ
- ការិយាល័យត្រួតពិនិត្យលទ្ធកម្មរដ្ឋបាលរាជធានី ខេត្ត
- ការិយាល័យត្រួតពិនិត្យលទ្ធកម្មរអង្គភាពស្វ័យ័ត
- ការិយាល័យអធិការកិច្ចនិងដោះស្រាយវិវាទលទ្ធកម្ម
